1. السلام علیکم
    آئی ٹی استاد ڈاٹ کام وزٹ کرنے کا شکریہ۔ ہم آپکو خوش آمدید کہتے ہیں۔ فورم کے کسی بھی حصے کو استعمال میں لانے جیسے پوسٹنگ کرنے، کوئی تھریڈ دیکھنے یا لکھنے کسی بھی ممبر سے رابطہ کرنے کے لئے اور فورم کے دیگر آلات وغیرہ کا استعمال کرنے کے لئے آپکا رجسٹر ہونا ضروری ہے۔ رجسٹر ہونے کے لئے یہاں کلک کریں۔ رجسٹریشن حاصل کرنا بالکل آسان اور بالکل مفت ہے۔

یہ آپ کے ہاتھ میں کیا ھے؟

Discussion in 'Urdu Iqtebaas' started by نمرہ, Aug 18, 2014.

  1. نمرہ

    نمرہ Supper Moderator

    یہ آپ کے ہاتھ میں کیا ھے؟
    “یہ کاپی ھے۔” میں نے جواب دیا۔
    “یہ کیسی کاپی ہے؟” قدرت نے پوچھا۔
    “اس میں دعائیں لکھی ھیں۔ میرے کئی دوستوں نے کہا تھا کہ خانہ کعبہ میں ھمارے لئے دعا مانگنا۔ میں نے وہ سب دعائیں اس کاپی میں لکھ لی تھیں۔”
    “دھیان کرنا” وہ بولے۔ “یہاں جو دعا مانگی جائے وہ قبول ھو جاتی ھے”
    “کیا مطلب؟” میری ھنسی نکل گئی۔ “کیا دعا قبول ھوجانے کا خطرہ ھے؟”
    “ھاں، کہیں ایسا نہ ھو کہ دعا قبول ھو جائے۔”
    میں نے حیرت سے قدرت کی طرف دیکھا۔
    بولے “اسلام آباد میں ایک ڈایریکٹر ھیں۔ عرصہ دراز ھوا انہیں روز بخار ھو جاتا تھا۔ ڈاکٹر، حکیم، وید، ھومیو سب کا علاج کر دیکھا، کچھ افاقہ نہ ھوا۔ سوکھ کر کانٹا ھو گئے۔ آخر چارپائی پر ڈال کر کسی درگاہ پہ لے گئے۔ وھاں ایک مست سے کہا بابا دعا کر کہ انہیں بخار نہ چڑھے۔۔۔ انہیں آج تک بخار نہیں چڑھا۔
    اب چند سال سے ان کی گردن کے پٹّھے اکڑے ھوئے ھیں۔ وہ اپنی گردن ادھر ادھر ھلا نہیں سکتے۔ ڈاکٹر کہتے ہیں کہ یہ مرض صرف اسی صورت میں دور ھو سکتا ھے کہ انہیں بخار چڑھے۔ انہیں دھڑادھڑ بخار چڑھنے کی دوائیاں کھلائی جا رھی ھیں مگر انہیں بخار نہیں چڑھتا۔”
    دعاؤں کی کاپی میرے ھاتھ سے چھوٹ کر گر پڑی۔ میں نے اللہ کے گھر کی طرف دیکھا۔ “میرے اللہ! کیا کسی نے تیرا بھید پایا ھے؟”
    ممتاز مفتی کی کتاب، لبّیک، سے اقتباس
     
  2. PakArt

    PakArt May Allah bless all Martyre of Pakistan Staff Member

  3. بہت اچھی شیئرنگ کی ہے آپ نے. شکریہ
     

Share This Page