1. السلام علیکم
    آئی ٹی استاد ڈاٹ کام وزٹ کرنے کا شکریہ۔ ہم آپکو خوش آمدید کہتے ہیں۔ فورم کے کسی بھی حصے کو استعمال میں لانے جیسے پوسٹنگ کرنے، کوئی تھریڈ دیکھنے یا لکھنے کسی بھی ممبر سے رابطہ کرنے کے لئے اور فورم کے دیگر آلات وغیرہ کا استعمال کرنے کے لئے آپکا رجسٹر ہونا ضروری ہے۔ رجسٹر ہونے کے لئے یہاں کلک کریں۔ رجسٹریشن حاصل کرنا بالکل آسان اور بالکل مفت ہے۔

اجازت نہیں دی جائے گی

Discussion in 'Funny Poetry' started by PRINCE SHAAN, Dec 3, 2014.

  1. [​IMG]
    اجازت نہیں دی جائے گی

    ورغلانے کی اجازت نہیں دی جائے گی
    شامیانے کی اجازت نہیں دی جائے گی

    لان میں تین گدھے اور یہ نوٹس دیکھا
    گھاس کھانے کی اجازت نہیں دی جائے گی

    ایک رقاص نے گا گا کے یہ خبر سنائی
    ناچ گانے کی اجازت نہیں دی جائے گی

    اس سے اندیشۂ فردا کی جوئیں جھڑتی ہیں
    سر کھجانے کی اجازت نہیں دی جائے گی

    بے اجازت جو مچاؤ تو بصد شوق مچاؤ
    غل مچانے کی اجازت نہیں دی جائے گی

    اٹھتے اٹھتے وہ مجھے روز جتا دیتے ہیں
    روز آنے کی اجازت نہیں دی جائے گی

    پھر تو تم سر پہ اٹھا لو گے زمانے بھر کو
    سر اٹھانے کی اجازت نہیں دی جائے گی

    آپ کا گھر ہے، رہیں شوق سے اس میں، لیکن
    بیچ کھانے کی اجازت نہیں دی جائے گی

    اپنی کُشتی ہو میاں لاکھ فری اسٹائل
    کاٹ کھانے کی اجازت نہیں دی جائے گی

    یہ شریعت کا نہیں گیس کا بل ہے بیگم
    بلبلانے کی اجازت نہیں دی جائے گی

    اس کے رخسار پہ ہے اور ترے ہونٹ پہ تل
    تلملانے کی اجازت نہیں دی جائے گی

    بس تمہیں اتنی اجازت ہے کہ شادی کر لو
    شاخسانے کی اجازت نہیں دی جائے گی

    اس سے تجدید تمنا کی ہوا آتی ہے
    دم ہلانے کی اجازت نہیں دی جائے گی

    مکتبِ فکر ہے اسکول نہیں ہے صاحب
    قومیانے کی اجازت نہیں دی جائے گی

    اس سے مورال مسلمان کا گر جاتا ہے
    دال کھانے کی اجازت نہیں دی جائے گی

    ان کے ارشادِ گرامی کو عنایتؔ سن کر
    مسکرانے کی اجازت نہیں دی جائے گی

    پروفیسر عنایت علی خان ٹونکی
     
  2. PakArt

    PakArt May Allah bless all Martyre of Pakistan Staff Member

    آپکی کافی پوسٹ پر کسی اور فورم کے انسرٹ لگے ہوئے پوسٹ شیئر کیئے گئے ہیں۔کافی پوسٹ مین نے ایڈیٹ کیا ہے۔لیکن ساری پوسٹ کو ممکن نہی کے میں دیکھوں اگر ایسا ہی سلسلہ رہا تو کافی پوسٹ انسرت کیساتھ یہاں شیئر ہو چکی ہونگی۔اپنی پوسٹ کو شیئر کرنے سے پہلے ورڈ پیڈ پر کاپی کرکے پھیر اسے فورم پر شئر کریں ایسے انسرٹ بریک ہو جائے گا۔شکریہ
     
  3. UmerAmer

    UmerAmer VIP Member

    Bohat Khoob
     
  4. Rashidkareem

    Rashidkareem Well Wishir

    Bohat achi sharing ki hai. Shukriya:pagal:
     

Share This Page