1. السلام علیکم
    آئی ٹی استاد ڈاٹ کام وزٹ کرنے کا شکریہ۔ ہم آپکو خوش آمدید کہتے ہیں۔ فورم کے کسی بھی حصے کو استعمال میں لانے جیسے پوسٹنگ کرنے، کوئی تھریڈ دیکھنے یا لکھنے کسی بھی ممبر سے رابطہ کرنے کے لئے اور فورم کے دیگر آلات وغیرہ کا استعمال کرنے کے لئے آپکا رجسٹر ہونا ضروری ہے۔ رجسٹر ہونے کے لئے یہاں کلک کریں۔ رجسٹریشن حاصل کرنا بالکل آسان اور بالکل مفت ہے۔

تلاش

Discussion in 'ITUstad Writers.' started by shahnawawz, Dec 6, 2015.

  1. shahnawawz

    shahnawawz Newbi

    تلاش

    ہماری روزمرہ کی زندگی میں انسان کسی نہ کسی تلاش میں رہتا ہے اگر یہ کہنا بجا ہوگا کہ زندگی کا محور ہی تلاش ہے ۔ کوئی بھی اس بات سے انکار نہیں نہیں کرسکتا کہ وہ زندگی میں کچھ تلاش نہیں کررہا ہے حتٰی کہ مجوسی ، دیوانہ مستانہ بھی تلاش زندگی سے باہر نہیں ہیں کہ یہی زندگی ہے جس دن تلاش ختم ہوجائے گی زندگی وہیں ٹھہر جائے گی یعنی زندگی کا اختتام ہوجائے گا ۔ تلاش ہی اصل زندگی ہے۔ تلاش کیسی تلاش اپنون کی کھوئے ہوئے رشتوں کی یا بھوک کی تلاش تو کوئی ہوس کو ختم کرنے کی تلاش لیکن پھر بھی تلاش ختم نہیں ہوتی اگر ہم سمجھتے ہیں کہ ہماری تلاش ختم ہوگئی نہیں بالکل نہیں مزے کی بات تو یہ ہے کہ تلاش مرنے کےبعد بھی ختم نہیں ہوتی جب حساب کتاب کا دن اللہ کے دربار میں ہوگا توبھی ہم نیکیوں کی تلاش میں ہوں گے کہ کوئی تو اپنی تیکی ہمیں دے دے ۔ تلاش ایک جنون ہے تلاش زندہ رہنے کا ایک بہانہ ہے ۔ تلاش کرتے کرتے ہم زمانے کی ٹھوکریں کھاتے ہیں تو کچھ زمانہ کو روند کر اپنی تلاش شدہ منزل کی طرف گامزن ہوجاتے ہیں تو کچھ تلاش منزل تک پہنچتے ختم ہوجاتے ہیں ۔ تلاش زندگی کا جزو ہے جس سے ہم اس باہر نہیں نکل سکتے ۔ کچھ تلاش ایسی ہوتی ہے کہ تلاش قائم رہنے کے باوجود بندہ یہ سوچتا ہے کہ جو ہم تلاش کررہے تھے ہم اس منزل تک پہنچ گئے ہیں وقتی طورپر اپنے آپ کو یہاں تک مطمئن کرلیتے ہیں اور سرشار ہوجاتے ہیں کہ جس تلاش میں تھے ہم نے اس کو پالیا لیکن جلد ہی ان کی یہ غلط فہمی دور ہوجاتی ہے جب ان کو نئی تلاش میں سفر رخت باندھنا پڑتا ہے ۔ تلاش لفظ اپنے اندر زندگی کا ایک سمندر سموئے ہوئے ہے اوریہ نہ ختم ہونے والا سفر ہے
     

Share This Page