1. السلام علیکم
    آئی ٹی استاد ڈاٹ کام وزٹ کرنے کا شکریہ۔ ہم آپکو خوش آمدید کہتے ہیں۔ فورم کے کسی بھی حصے کو استعمال میں لانے جیسے پوسٹنگ کرنے، کوئی تھریڈ دیکھنے یا لکھنے کسی بھی ممبر سے رابطہ کرنے کے لئے اور فورم کے دیگر آلات وغیرہ کا استعمال کرنے کے لئے آپکا رجسٹر ہونا ضروری ہے۔ رجسٹر ہونے کے لئے یہاں کلک کریں۔ رجسٹریشن حاصل کرنا بالکل آسان اور بالکل مفت ہے۔

Maa Ka Khawab Bachon K Liye

Discussion in 'Maa(Mother)' started by ғσяυм gυяυ, May 31, 2013.

  1. ماں کا خواب

    بچوں کے لئے

    ميں سوئی جو اک شب تو ديکھا يہ خواب
    بڑھا اور جس سے مرا اضطراب
    يہ ديکھا کہ ميں جا رہی ہوں کہيں
    اندھيرا ہے اور راہ ملتی نہيں
    لرزتا تھا ڈر سے مرا بال بال
    قدم کا تھا دہشت سے اٹھنا محال
    جو کچھ حوصلہ پا کے آگے بڑھی
    تو ديکھا قطار ايک لڑکوں کی تھی
    زمرد سی پوشاک پہنے ہوئے
    ديئے سب کے ہاتھوں ميں جلتے ہوئے
    وہ چپ چاپ تھے آگے پيچھے رواں
    خدا جانے جانا تھا ان کو کہاں
    اسی سوچ ميں تھی کہ ميرا پسر
    مجھے اس جماعت ميں آيا نظر
    وہ پيچھے تھا اور تيز چلتا نہ تھا
    ديا اس کے ہاتھوں ميں جلتا نہ تھا
    کہا ميں نے پہچان کر ، ميری جاں
    مجھے چھوڑ کر آ گئے تم کہاں
    جدائی ميں رہتی ہوں ميں بے قرار
    پروتی ہوں ہر روز اشکوں کے ہار
    نہ پروا ہماری ذرا تم نے کی
    گئے چھوڑ ، اچھی وفا تم نے کی
    جو بچے نے ديکھا مرا پيچ و تاب
    ديا اس نے منہ پھير کر يوں جواب
    رلاتي ہے تجھ کو جدائی مری
    نہيں اس ميں کچھ بھی بھلائی مری
    يہ کہہ کر وہ کچھ دير تک چپ رہا
    ديا پھر دکھا کر يہ کہنے لگا
    سمجھتی ہے تو ہو گيا کيا اسے؟
    ترے آنسوئوں نے بجھايا اسے​
     
  2. بہت اچھی شئیرنگ کی ہے
    زبردست
    :a030::a030:
     
  3. Hello guest, Thank you for Register or you log to see the links!

    بہت اچھی شئیرنگ کی ہے
    زبردست
    :a030::a030:
    Click to expand...
    Shukriya Visit Karnay Aur Comments Denay Ka ..
     

Share This Page