1. السلام علیکم
    آئی ٹی استاد ڈاٹ کام وزٹ کرنے کا شکریہ۔ ہم آپکو خوش آمدید کہتے ہیں۔ فورم کے کسی بھی حصے کو استعمال میں لانے جیسے پوسٹنگ کرنے، کوئی تھریڈ دیکھنے یا لکھنے کسی بھی ممبر سے رابطہ کرنے کے لئے اور فورم کے دیگر آلات وغیرہ کا استعمال کرنے کے لئے آپکا رجسٹر ہونا ضروری ہے۔ رجسٹر ہونے کے لئے یہاں کلک کریں۔ رجسٹریشن حاصل کرنا بالکل آسان اور بالکل مفت ہے۔
  2. آئی ٹی استاد کے لیے ٹیم ممبرز کی ضرورت ہے خواہش مند ممبرز ایڈمن سے رابطہ کریں
    Dismiss Notice

انور مسعود دی ،، بنیان ،، تے،، اج کیھ پکائی&am

Discussion in 'Punjabi' started by *Tm Ninja*, Oct 9, 2013.

Share This Page

  1. *Tm Ninja*
    Offline

    *Tm Ninja* Well Wishir
    • 16/16

    سجنو تے بےلئو۔۔(انور مسعود) دی نظم اج کیی پکائیے تہاڈی خدمت وچ حاضر اے ۔اگر کسے ویر نے پہلے پوسٹ کر دتی اے تے معذرت نال۔
    اج کیہ پکائیے !
    چوہدری: اَج کیہِ پکائیے دس تیرا کیہِ خیال اے
    رحماں: میں کیہِ خیال دساں میری کیہِ مجال اے


    چوہدری: رحمیاں چل اَج فیر چسکے ای لا لئیے
    لبَھ جان چنگیاں تے بھنڈیاں پکا لئیے


    رحماں: واہ واتُساں بُجھیاں نیں دلا دیاں چوریاں
    میرا وی ایہہ دل سی پکائیے اج توریاں


    لُونواں والی بھِنڈی ہووے پوٹا پوٹا لمی ہووے
    ہولی تو کچُور ہووے سوہنی ہووے کولی ہووے


    وچ ہووے بکرے دے پُٹھ دیاں بوٹیاں
    نال ہون چھنڈیاں تندورر دیاں روٹیاں


    مکھنے دا پیڑا ہووے لسی دا پیالہ
    بھِنڈیاں دے نخرے تے گرم مصالحہ ہووے


    بھنڈیاں بنانا وی تو کوئی کوئی جاندا
    رنھناں پکانا وی تےکوئی کوئی جاندا


    اُٹھاں فیر چوہدری پھڑاں میں تیاریاں
    بھنڈیاں بناواں اج رج کے کراریاں


    چوہدری: رحمیاں ہزار ہون مزیدار بھنڈیاں
    ہوندیاں نے کُجھ ذرا لیس دار بھِنڈیاں


    رحماں: دفع کرو چوہدری جی سبزیاں دی تھوڑ اے
    سانوں ایہہ لسُوڑیاں پکان دی کی لوڑ اے


    بندہ کاہنوں بھنِڈیاں دی لیس دی ہواڑ لَئے
    ایہدے نالوں پَولی دی سریش بھانویں چاہڑلَئے


    چوہدری : فیر کیہ خیال اے تیرا جھڑی نہ منا لَئیے
    جے تو آکھیں رحمیاں کریلے نہ پکا لئَیے


    رحماں: ریس اے کوئی چوہدری جی آپ دے خیال دی
    جمی اے کوئی سبزی کریلیاں دے نال دی


    ڈِ ھڈ وچ اِنج جویں لو لگ پئی اے
    تساں گل کیتی اے تے رال واگ پئی اے


    سچ پچھو چوہدری جی ایہو میری را اے
    مینوں وی چروکناں کریلیاں دا چاء اے


    چوہدری جی ہووے جے کریلا چنگا پلیاں
    وچ ہووے قیمہ اُتے دھاگہ ہووے ولیا


    گنڈھیاں ٹماٹراں دے نال ہووے تُنیاں
    فیر ہووے گھر دے گھہیو وچ بھُنیا


    فیر کوئی چوہدری جی اُوس دا سواد اے
    پُر وی پکایا سی تُساں نوں یاد اے


    چوہدری : ہوربیبا مینوں ایہدی مینوں ہر گل بھاؤندی
    رحمیاں کریلیاں وچ کوڑ ذرا ہوندی اے


    رحماں: دفع کرو زہر تے چریتا مینوں لگدا ئے
    نِم تے دھریک دا بھراں مینوں لگدائے


    پلے پلے دنداں جیِبھ پئی سکدی
    کھا مر لئی تے تریہہ نیں مکدی


    تُمے دیاں گولیا کریلیاں تو پھکیاں
    اینہاں نالوں چاہڑ لو کونین دیاں ٹکیاں


    چوہدری: رحمیاں فیر انج کر تُوں کوئی راء دے
    پُچھیں تے بتاؤنواں دا وی اپنا سواد اے


    رحماں: رب تہاڈا بھلا کرے کِڈی سوہنی گل اے
    ایہو جیئے ذائقے والا ہور کہیڑا پھل اے


    کالے کالے لشکدے تے گول مول چاہڑ لو
    چوہدری جی لون تے وتاؤں چًول چاہڑ لوں


    چوہدری: رحمیاں پکانے نوں تے جی بڑ کردائے
    بُھٹیاں دی گرمی تو جی ذرا ڈر دائے


    رحماں: سچ اے جی چوہدری جی ڈھڈ کاہنوں بالنا
    کھان والی چیز اے کوئی وینگناں دا سالنا


    بھٹھیاں دے ڈک وچ سُٹنے ضرور نے
    کاہنوں پَے بھخائے ، ساڈے ڈھڈ کوئی تندور نیں


    دفع کروبھٹھیاں نوں بَھٹھے کاہنوں ساڑیئے
    حبشیاں نوں چوہدری جی گھر کاہنوں واڑئیے


    کالیاں دے نال کاہنوں مارئیے اُڈاریاں
    ساڈیاں تےہیں امریکہ نال یاریاں


    چوھدری : وَدھ وَدھ بولناایں ایویں بڑبولیا
    سبزیاں توں جا تُوں سیاستاں نوں پھولیا


    دوجے دی وی سُن کجھ دوجے نوں وی کہن دے
    حکومتاں دی گل توں حکومتاں تے رہن دے


    چنگا فیر بُجھ میرا کی خیال اے ؟
    رحماں: بُجھ لئی چوہدری جی چھولیاں دی دال ایں

    (انور مسعود)


    انور مسعود دی بنیان
    بنین لین جاندے او
    بنین لے کے آندے او
    پاندے اور تے پیندی نئیں
    پے جائے تے لیندی نئیں
    لے جائے تے دوجی واری
    پَون جوگی ریندی نئیں

    بنین میں دیاں گا
    پاؤ گے تے پے جائے
    لاؤ گے تے لَے جائے
    لَے جائے تے دوجی واری
    پَون جوگی رہ جائے

    بنین میری ودھیا
    بنین میری ٹاپ دی
    وڈھیاں نوں پوری آوے
    نکیاں دے ناپ دی

    چیز ہووے اصلی تے
    مُنوؤں پئی بولدی
    تُپ نالوں گوری لگے
    رسی اُتے ڈولدی

    جنے ورے چاؤ تُسی
    ایس نوں ہنڈا لَو
    فیر پویں بچیاں دا
    جانگیا بنا لَو​
     
  2. IQBAL
    Offline

    IQBAL Cruise Member
    • 36/49

    BOHAT KHOOB.....Very Nice Sharing
    ;););)​
     
  3. Net KiNG
    Offline

    Net KiNG VIP Member
    • 38/49


    السلام علیکم ورحمتہ اللہ و برکاتہ

    آپ نے بہت اچھی شئیرنگ کی ہے .

    کیپ اٹ اپ جزاک اللہ

    مزید شئیرنگ کا انتظار رہے گا

    اچھی اور عمدہ شیئرنگ کا شکریہ
    [​IMG]
    [​IMG]

     

Share This Page