1. السلام علیکم
    آئی ٹی استاد ڈاٹ کام وزٹ کرنے کا شکریہ۔ ہم آپکو خوش آمدید کہتے ہیں۔ فورم کے کسی بھی حصے کو استعمال میں لانے جیسے پوسٹنگ کرنے، کوئی تھریڈ دیکھنے یا لکھنے کسی بھی ممبر سے رابطہ کرنے کے لئے اور فورم کے دیگر آلات وغیرہ کا استعمال کرنے کے لئے آپکا رجسٹر ہونا ضروری ہے۔ رجسٹر ہونے کے لئے یہاں کلک کریں۔ رجسٹریشن حاصل کرنا بالکل آسان اور بالکل مفت ہے۔

تیسرا ٹیسٹ پاکستان جیت گیا، سیریز برابر

Discussion in 'Sports' started by Net KiNG, Jan 20, 2014.

  1. Net KiNG

    Net KiNG VIP Member

    کپتان مصباح کی بلے بازی بھی نہایت اہم رہی اور انھوں نے صرف 72 گیندوں میں 68 رنز بنائے۔

    مجموعی طور پر پاکستان نے میچ کے آخری دن زبردست کھیل پیش کیا پہلے عبدالرحمان نے بہترین بالنگ کی اور سری لنکا کی ٹیم دوسری اننگز میں صرف دو سو چودہ رن بنا کر آؤٹ ہو گئی۔ مجموعی طور پر پاکستان کو اپنی دوسری اننگز اور میچ کی چوتھی اننگز میں 302 کا ہدف ملا جو پاکستان نے جارحانہ انداز اختیار کرتے ہوئے حاصل کر لیا۔

    پاکستان کی بلے بازی میں وکٹ کیپر سرفراز بھی اہم رہے اور انھوں نے 46 گیندوں پر 48 رنز بنائے۔ ان کی اننگز میں ایک چھکا اور چار چوکے شامل تھے۔

    سرفراز اس سیریز میں کیپنگ کے ساتھ ساتھ اچھی بیٹنگ کرنے میں بھی کامیاب رہے ہیں۔ اس سے قبل وہ ایک میچ میں نصف سنچری بھی بنا چکے ہیں جو پاکستان ٹیم کے لیے خوش آئند بات ہے۔

    پاکستان نے اننگز کی ابتداء سے ہی سری لنکا پر دباؤ ڈالنا شروع کیا اور پاکستان کے اوپنرز احمد شہزاد اور خرم منظور نے کھل کر کھیلنا شروع کیا۔ لیکن دونوں اوپنر زیادہ دیر کریز پر نہ رہ سکے۔ پہلے احمد شہزاد ایک اونچا شاٹ کھیلتے ہوئے اکیس کے انفرادی سکور پر آؤٹ ہوئے اس کے بعد خرم منظور کی وکٹ گری۔ خرم منظور نے بھی اکیس رن ہی بنائے۔ لکمل کی لیگ پر ایک اونچی اٹھتی ہوئی گیند ان کے دستانوں کو چھوتی ہوئی وکٹ کے پیچھےگئی جسے ایک زقند بھر کر کیپر نے کیچ کر لیا۔

    پاکستان کی جانب سے بہترین گیند باز عبد الرحمان رہے جنہوں نے 4 وکٹیں لیں جبکہ سعید اجمل اور محمد طلحہ نے تین تین کھلاڑیوں کو آؤٹ کیا۔
     
  2. Net KiNG

    Net KiNG VIP Member

    اس سے پہلے چوتھے روز پاکستانی ٹیم اپنی پہلی اننگز میں 341 رنز بنا کر آؤٹ ہوگئی اور کھیل کے اختتام تک سری لنکا کو 220 رنز کی برتری حاصل ہو گئی تھی۔

    چھوتھے دن کھیل کے اختتام پر میتھوز اور ایچ اے پی ڈبلیو وردھنے کریز پر موجود تھے اور اس وقت تک پاکستان کی جانب سے طلحہ اور عبدالرحمان نے دو دو وکٹیں جبکہ سعید اجمل نے ایک وکٹ حاصل کر رکھی تھی۔

    اس سے قبل پاکستان نے جب چھ وکٹوں کے نقصان پر 291 رنز پر چوتھے دن کا آغاز کیا تو آؤٹ ہونے والے سب سے پہلے کھلاڑی عبد الرحمان تھے جو دن کے دوسرے اوور میں ہی پویلین واپس لوٹ گئے۔

    پاکستانی کپتان مصباح الحق 63 رنز بنا کر رنگنا ہیراتھ کی گیند پر کیچ آؤٹ ہوئے تو 10 ویں نمبر پر آنے والے فاسٹ بولر جنید خان نے آتے ہی جارحانہ انداز میں بیٹنگ کی۔ انہوں نے دو چھکوں کی مدد سے دس گیندوں پر 16 رنز بنائے۔ سعید اجمل کوئی رن بنائے بغیر ناٹ آؤٹ رہے۔

    رنگنا ہیراتھ نے پانچ کھلاڑیوں کو آؤٹ کیا۔
     
  3. Net KiNG

    Net KiNG VIP Member

    تیسرے دن پاکستان نے بغیر کسی نقصان کے 19 رنز سے اپنی اننگز کا آغاز کیا تھا اور میچ کے اختتام پر کپتان مصباح الحق اور سرفراز احمد کریز پر موجود تھے۔

    تیسرے دن پاکستان کی اننگز کی خاص بات احمد شہزاد کے سنچری تھی۔ وہ 147 رنز ہیرتھ کی گیند پر بولڈ ہو گئے۔

    آؤٹ ہونے والے دوسرے کھلاڑیوں میں خرم منظور نے 52، اظہر علی نے 8، اسد شفیق نے 18 اور یونس خان نے 17 رنز بنائے۔

    اس سے پہلے دوسرے دن کے اختتام پر پاکستان نے سری لنکا کے خلاف پہلی اننگز میں بغیر کسی نقصان کے 19 رنز بنائے تھے جب احمد شہزاد اور خرم منظور کریز پر موجود تھے اور دونوں نے بالترتیب پانچ اور 14 رنز بنائے تھے۔

    اس سے پہلے سری لنکا نے پاکستان کے خلاف پہلی اننگز میں نو وکٹوں کے نقصان پر 428 رنز کر اننگز ڈکلئیر کر دی تھی۔

    سری لنکا کی جانب سے پرسنا جے وردھنے اور اینجلو میتھیوز نے دوسرے دن کے کھیل کا آغاز کیا۔
     
  4. Net KiNG

    Net KiNG VIP Member

    سری لنکا کی جانب سے بلے باز دل رو وان پریرا نے 12 چوکوں اور دو چھکوں کی مدد سے 95 جبکہ اینجیلو میتھیوز نے پانچ چوکوں اور ایک چھکے کی مدد سے 91 رنز بنائے۔

    دونوں بلے باز اپنی سنچریاں مکمل کرنے میں ناکام رہے۔

    پاکستان کی جانب سے جنید خان نے تین، سیعد اجمل اور محمد طلحہ نے دو دو جبکہ عبدالرحمان نے ایک کھلاڑی کو آؤٹ کیا۔

    تیسرے ٹیسٹ میچ کے پہلے دن کھیل کے اختتام پر سری لنکا نے پاکستان کے خلاف پانچ وکٹوں کے نقصان پر 220 رنز بنائے تھے۔

    جمعرات کو شروع ہونے والے ٹیسٹ میچ میں سری لنکا نے ٹاس جیت کر پہلے بیٹنگ کرنے کا فیصلہ کیا۔

    تین ٹیسٹ میچوں پر مشتمل سیریز میں سری لنکا کو ایک صفر کی برتری حاصل ہے۔
     
  5. Net KiNG

    Net KiNG VIP Member

    Hello guest, Thank you for Register or you log to see the links!


    پاکستان کی اننگز کی خاص بات احمد شہزاد کے سنچری تھی۔ وہ 147 رنز ہیرتھ کی گیند پر بولڈ ہو گئے
     
  6. Net KiNG

    Net KiNG VIP Member

    Hello guest, Thank you for Register or you log to see the links!

    اظہر علی عمدہ بیٹگ کر رہے ہیں
     
  7. Net KiNG

    Net KiNG VIP Member

    ختم شد
    :yahoo:​
     
  8. UmerAmer

    UmerAmer VIP Member

    bohat bohat mubarak ho sab ko:yahoo:
     

Share This Page