1. السلام علیکم
    آئی ٹی استاد ڈاٹ کام وزٹ کرنے کا شکریہ۔ ہم آپکو خوش آمدید کہتے ہیں۔ فورم کے کسی بھی حصے کو استعمال میں لانے جیسے پوسٹنگ کرنے، کوئی تھریڈ دیکھنے یا لکھنے کسی بھی ممبر سے رابطہ کرنے کے لئے اور فورم کے دیگر آلات وغیرہ کا استعمال کرنے کے لئے آپکا رجسٹر ہونا ضروری ہے۔ رجسٹر ہونے کے لئے یہاں کلک کریں۔ رجسٹریشن حاصل کرنا بالکل آسان اور بالکل مفت ہے۔

منظوری ہوگئی، اب کرکٹ پر بھارت، آسٹریلیا&#1548

Discussion in 'Sports' started by Net KiNG, Feb 9, 2014.

  1. Net KiNG

    Net KiNG VIP Member

    منظوری ہوگئی، اب کرکٹ پر بھارت، آسٹریلیا، انگلینڈ کا ’راج‘ ہوگا
     
  2. Net KiNG

    Net KiNG VIP Member

    کرکٹ کی عالمی تنظیم انٹرنیشنل کرکٹ کونسل نے ادارے کے مالی اور انتظامی ڈھانچے میں تبدیلیاں کرتے ہوئے بھارت، انگلینڈ اور آسٹریلیا کے کھیل اور ادارے پر پہلے سے زیادہ کنٹرول کی منظوری دے دی ہے۔
    [​IMG]
     
  3. Net KiNG

    Net KiNG VIP Member

    بی سی سی آئی کے صدر سری نواسن نے انگلینڈ اور آسٹریلوی کرکٹ بورڈ کے ساتھ مل کر ایک ایسا مسودہ آئی سی سی میں پیش کیا تھا جس کے تحت ان تینوں ممالک کو آئی سی سی کے انتظامی اور مالی معاملات میں غلبہ حاصل ہو جائے گا۔

    آئی سی سی کے ایک ترجمان کا کہنا ہے کہ سنیچر کو ہونے والے اجلاس میں آئی سی سی کے دس میں سے آٹھ ارکان نے ان تجاویز کی حمایت کی۔

    آئی سی سی کی جانب سے جاری کیے گئے بیان میں کہا گیا ہے کہ ’قرارداد کو سنگاپور میں ہونے والے اجلاس میں پیش کیا گیا۔ اس قرارداد کو دس ممبران میں سے آٹھ کے ووٹ ملے جبکہ پاکستان اور سری لنکا نے ووٹنگ میں حصہ نہیں لیا کیونکہ ان کا کہنا تھا کہ انھیں اس ترمیم شدہ قرار داد کی جانچ پڑتال کے لیے مزید وقت درکار ہے۔‘
     
  4. Net KiNG

    Net KiNG VIP Member

    آئی سی سی کی جانب سے منظور کردہ مسودے کے مطابق آئی سی سی کے ایگزیکٹیو اختیارات اور مالی کنٹرول ای سی بی، کرکٹ آسٹریلیا اور بی سی سی آئی کے ہاتھ میں رہے گا، جو بالترتیب انگلستان، آسٹریلیا اور بھارت کے کرکٹ بورڈ ہیں۔

    اس کے علاوہ یہ تینوں کرکٹ بورڈز آئی سی سی کی ایگزیکیٹو کمیٹی کے مستقل رکن ہوں گے جبکہ چوتھا رکن دیگر سات ممالک میں سے کوئی ایک نامزد ہوگا۔

    عالمی کرکٹ کی آمدنی کا بڑا حصہ انھی تین کرکٹ بورڈز کو ملے گا جبکہ ٹیسٹ میچوں میں ترقی اور تنزلی کے طریقۂ کار میں بھی یہ تینوں کرکٹ بورڈز تنزلی سے مبّرا ہوں گے۔
     
  5. Net KiNG

    Net KiNG VIP Member

    ’بگ تھری پلان‘ یعنی کرکٹ کے تین بڑے ممالک انگلینڈ، آسٹریلیا اور بھارت کی انٹرنیشنل کرکٹ کونسل پر اجارہ داری کے مسودے کی پاکستان، سری لنکا اور جنوبی افریقہ کھل کر مخالفت کر رہے تھے۔

    تاہم ہفتے کو ہونے والی ووٹنگ میں جنوبی افریقہ نےاس کے حق میں ووٹ ڈالا۔

    بگ تھری‘ کے منصوبے کی کامیابی کے لیے انہیں پاکستان، جنوبی افریقہ اور سری لنکا میں سے کسی ایک ممبر کا ووٹ درکار تھا۔ ویسٹ انڈیز، نیوزی لینڈ، زمبابوے، اور بنگلہ دیش بگ تھری کے منصوبے کے حامی ہیں۔

    آئی سی سی کی جانب سے منظور کردہ قرارداد کے تحت ٹیسٹ کھیلنے والی ٹیموں کے لیے سنہ 2023 اپنے ملک میں ٹیسٹ پروگرام کو یقینی بنانے کے لیے ایک ٹیسٹ فنڈ متعارف کیا جائے گا۔

    یہ فنڈ کرکٹ آسٹریلیا، بی سی سی آئی اور ای سی بی کے علاوہ تمام ٹیسٹ کھیلنے والے ممالک کے لیے ہوگا۔

    اس کی بھی تصدیق کی گئی ہے کہ فل ممبران آپس میں دو طرفہ معاہدے کریں تاکہ مستقبل کے دوروں کے نظام الاوقات کی تصدیق ہو سکے جس کی سنہ 2023 توسیع کی جائے گی۔

    عالمی ٹیسٹ چیمپیئن شپ کی جگہ 2017 اور 2021 میں آئی سی سی چیمپیئن ٹرافی متعارف کی جائے گی۔ یہ ایک ایسا ٹورنامنٹ ہے جس کے لیے ٹاپ ایسوسی ایٹ ممبران کے بشمول کوئی بھی آئی سی سی کا ممبر ایک روزہ کرکٹ میں اپنی کارکردگی بہتر کرکے کوالیفائی کر سکتے ہیں۔

    فل ممبران کو کھیل کے فروغ کے لیے کام کرنے، خاص کر مالی معاونت، آئی سی سی کی تاریخ اور میدان میں کارکردگی کی بنیاد پر زیادہ مالیاتی فوائد ہوں گے۔
     
  6. Net KiNG

    Net KiNG VIP Member

    نئے ماڈل کی ساخت اس بات کو یقینی بنائے گی کہ فل ممبران مالی طور اپنے موجودہ حالت سے بہتر ہوں۔

    بی سی سی آئی کے سری نواسن جولائی سنہ 2014 سے آئی سی سی کے بورڈ کے چیئرمین کا عہدہ سنبھالیں گے۔آئی سی سی کا بورڈ فیصلہ سازی کے مرکز کے طور پر کام کرنا جاری رکھے گا۔

    ایک نئی ایگزیکٹیو کمیٹی بنائے جائے گی جو بورڈ کو رپورٹ کرے گی۔ ابتدائی طور اس کمیٹی کے چیئرمین کرکٹ آسٹریلیا کے وولی ایڈورڈ ہوں گے جبکہ ای سی بی کے گائلز کلارک فنانس اور کمرشل افیئر کے کمیٹی کے چیئرمین ہوں گے۔ یہ دونوں افراد جولائی سنہ 2016 تک ان عہدوں پر کام کریں گے۔

    جب یہ عبوری مدت پوری ہو جائے گی تو آئی سی سی بورڈ کے چیئرمین کو آئی سی سی بورڈ کے ممبران میں سے چنا جائے گا جس میں فل ممبر ڈائریکٹر انتخاب میں حصہ لے سکتے ہیں۔

    مندرجہ بالا میں سے کئی فیصلوں کو عملی جامہ پہنانے کے لیے اب بھی آئی سی سی کے فل کونسل کی توثیق درکار ہے۔

    آئی سی سی کے صدر ایلن آئزک نے کہا کہ’آج بورڈ نے بعض اہم فیصلے کیے ہیں جس سے ہمیں مستقبل میں گورننس اور مالی معاملات کو مستحکم کرنے میں مدد ملی ہے۔‘
     
  7. UmerAmer

    UmerAmer VIP Member

    بہت پیاری شئیرنگ کی ہے
    ہمارے ساتھ شئیر کرنے کے لئے شکریہ​
     
  8. master mind2

    master mind2 Regular Member

    nice sharingggggggggg
     

Share This Page