1. السلام علیکم
    آئی ٹی استاد ڈاٹ کام وزٹ کرنے کا شکریہ۔ ہم آپکو خوش آمدید کہتے ہیں۔ فورم کے کسی بھی حصے کو استعمال میں لانے جیسے پوسٹنگ کرنے، کوئی تھریڈ دیکھنے یا لکھنے کسی بھی ممبر سے رابطہ کرنے کے لئے اور فورم کے دیگر آلات وغیرہ کا استعمال کرنے کے لئے آپکا رجسٹر ہونا ضروری ہے۔ رجسٹر ہونے کے لئے یہاں کلک کریں۔ رجسٹریشن حاصل کرنا بالکل آسان اور بالکل مفت ہے۔

* Afridi Ne Pakistan ko Final mein Pohncha Dia *

Discussion in 'Sports' started by Net KiNG, Mar 5, 2014.

  1. Net KiNG

    Net KiNG VIP Member

    شاہد آفریدی کی انہونی کو ہونی میں بدلنے کی تن تنہا کوشش کو فواد عالم نے ضائع نہیں ہونے دیا اور پاکستان نے ہرلمحہ رنگ بدلتےاس میچ میں بنگلہ دیش کو سنسنی خیز مقابلے کے بعد تین وکٹوں سے شکست دے کر ایشیا کپ کے فائنل میں جگہ بنالی۔

    آٹھ مارچ کو ہونے والے فائنل میں پاکستان کا مقابلہ سری لنکا سے ہوگا۔

    [​IMG]
    آفریدی کے کھیل نے سٹڈیم خاموش کر دیا
     
  2. Net KiNG

    Net KiNG VIP Member

    پاکستان کو میچ جیتنے کے لیے تین سو ستائیس رنز کا پہاڑ جیسا ہدف ملا تھا جو اس نے ایک گیند پہلے سر کرلیا۔


    ون ڈے کرکٹ میں پاکستان نے اپنا سب سے بڑا ہدف عبور کیا ہے۔

    شاہد آفریدی نے ایک بار پھر حریف بولنگ پر غضب ڈھایا۔ جب وہ کریز پر آئے تھے تو پاکستان کو جیت کے لیے صرف اکیاون گیندوں پر ایک سو دو رنز درکار تھے لیکن انھوں نے صرف پچیس گیندوں پر سات چھکوں اور دو چوکوں کی مدد سے انسٹھ رنز کی زبردست اننگز کھیل کرجیت کی دم توڑتی امیدوں کو زندہ کردیا لیکن ان کا ان فٹ ہونا بنگلہ دیش کو فائدہ پہنچاگیا کیونکہ تکلیف میں بھاگتے ہوئے وہ شکیب الحسن کی براہ راست تھرو سے پیچھے رہ گئے۔

    شاہد آفریدی کے آؤٹ ہونے پر پاکستان کو جیت کے لیے تنتیس رنز درکار تھے۔ فواد عالم نے اپنی ذمہ دارانہ بیٹنگ جاری رکھی ۔وہ سّتر گیندوں پر چوہتر رنز بناکر رن آؤٹ ہوئے تو پاکستانی ٹیم جیت سے دو رنز کی دوری پر تھی اور دو ہی گیندیں باقی تھیں اس موقع پر عمراکمل کے چوکے نے قصہ تمام کردیا۔

    شاہد آفریدی اور فواد عالم کی شاندار بیٹنگ نے احمد شہزاد کی سنچری کو بھی پس منظر میں ڈال دیا۔

    احمد شہزاد اور محمد حفیظ کی اوپننگ شراکت میں ستانوے رنز بنے لیکن صرف آٹھ رنز کے اضافے پر تین وکٹیں گرچکی تھیں۔

    حفیظ نے ایک بار پھر نصف سنچری بناکر وکٹ گنوائی۔مصباح الحق تیسرے نمبر پر آئے اور چوکا لگانے کے بعد ہی شکیب الحسن کی گیند پر بولڈ ہوگئے۔صہیب مقصود کی بدقسمتی کہ امپائر نائیجل لانگ نے انہیں وکٹ کیپر کے ہاتھوں کیچ آؤٹ دے دیا حالانکہ گیند بلے سے دور تھی۔

    احمد شہزاد اور فواد عالم کی کوششیں سکور میں ایک سو پانچ رنز کا اضافہ کرنے میں کامیاب ہوئیں لیکن چوتھی ون ڈے سنچری سکور کرنے والے احمد شہزاد کا آؤٹ ہونا پاکستانی ٹیم کے لیے بڑا دھچکہ تھا۔بیٹنگ آرڈر میں عبدالرحمن کی ترقی ٹیم کو فائدہ نہ دے سکی۔
     
  3. Net KiNG

    Net KiNG VIP Member

    اس سے پہلے بنگلہ دیش نے تین وکٹوں پر تین سو چھبیس رنز بنائے جو ون ڈے میں اس کا سب سے بڑا سکور بھی ہے۔

    اس میچ میں پاکستان نے شرجیل خان اور جنید خان کی جگہ فواد عالم اور عبدالرحمن کو موقع دیا لیکن عبدالرحمن کے دو بیمر مہنگے پڑگئے اور امپائر نے تین گیندوں کے بعد ہی جو تینوں نوبال تھیں انہیں بولنگ سے ہی روک دیا جس نے مصباح الحق کی پریشانی بڑھادی اور انہیں فواد عالم اور صہیب مقصود کو بھی گیند دینی پڑی۔

    ریگولر بولرز خاص کر سعید اجمل اور عمرگل کی درگت نے پاکستانی بولنگ میں افراتفری پھیلادی۔

    امرل کیس اور انعام الحق نے ڈیڑھ سو رنز کی اوپننگ شراکت سے ایک بڑے اسکور کی بنیاد رکھی۔

    انعام الحق نے اپنی دوسری ون ڈے سنچری اسکور کی ۔امرل کیس نے پہلے ہی اوور میں حفیظ کی گیند پر سلپ میں احمد شہزاد کے ڈراپ کیچ کا فائدہ اٹھاتے ہوئے انسٹھ رنز بنائے۔

    چالیسویں اوور میں بنگلہ دیش کی دوسری وکٹ گری تو اسکور دو سو چار رنز اور رنز بنانے کی رفتارپانچ اعشاریہ دو تھی لیکن آخری دس اوورز میں بولرز اپنی چوکڑی بھول گئے۔آدھے فٹ عمرگل اور سو فیصد فٹ سعیداجمل مکمل طور پر بنگلہ دیشی بیٹسمینوں کے رحم و کرم پر تھے۔

    عمرگل نے اس ٹورنامنٹ میں پہلی بار پورے دس اوورز کیے لیکن چھہتر رنز کی بھاری قیمت چکاکر بھی وہ وکٹ سے محروم رہے۔

    سعید اجمل نے پہلے چھ اوورز میں صرف نو رنز دے کر ایک وکٹ حاصل کی تھی لیکن اگلے چار اوورز میں انہوں نے باون رنز دے ڈالے۔

    مومن الحق کی نصف سنچری کے بعد کپتان مشفق الرحیم نے بھی نصف سنچری بنائی اور تین میچوں کی پابندی کے بعد دوبارہ ٹیم میں آنے والے شکیب الحسن کے ساتھ ناقابل شکست شراکت میں ستّتر رنز کا اضافہ کرڈالا۔

    شکیب الحسن صرف سولہ گیندوں پر چھ چوکوں اور دو چھکوں کی مدد سے چوالیس رنز بناکر ناٹ آؤٹ رہے اس طرح سترہ گیندوں پر نصف سنچری کے ریکارڈ میں وہ اپنا نام سنتھ جے سوریا کے ساتھ درج نہ کراسکے ۔
     
  4. Net KiNG

    Net KiNG VIP Member

    The End .......
     
  5. BOHAT KHOOB......NICE SHARING
    [​IMG]
     
  6. Net KiNG

    Net KiNG VIP Member

    Hello guest, Thank you for Register or you log to see the links!

    [SIZE=5][COLOR=Navy][B][SIZE=6]BOHAT KHOOB......NICE SHARING[/SIZE][/B][/COLOR]
    [IMG]http://i407.photobucket.com/albums/pp156/dasHelgeson/Purple-Flower-Divider.gif[/IMG][/SIZE]
    Click to expand...
    Pasand Karny Ka Shukria
     

Share This Page